“Сәскәләр тормош йәме “

Темәс ауыл мәҙәниәт йортонда “Сәскәләр тормош йәме “исемле бәйгенең йомғаҡлау кисәһе үтте. Был бәйгене Темәс ауыл модель китапханаһы һәм тарихи мәҙәни үҙәк менән берлектә ойошторолдо.

Бәйгенең маҡсаты-ауылдың иң яҡшы сәскә үҫтереүселәрен асыҡлау һәм иң яҡшы сәскә ихатаһын ,баҡсаны билдәләү булды.Был бәйге май айынан сентябргә тиклем дауам итте.Комиссия ағзалары ай һайын ауылдың сәскә һөйөүселәренең ихаталарына, йорттарына даими йөрөү менән үтте. Бәйге комиссияһының тырышлығы арҡаһында сентябрь айында тамамлап,еңеүселәрҙе, ҡатнашыусыларҙы билдәләнеләр.

Ауылда сәскәләр менән мауығыусылар бик күп.Бәйгелә бик күп йәш хужабикәләр, шулай уҡ оло йәштәгеләр 50 ашыу ҡатын -ҡыҙҙарыбыҙ ҡатнашты .

Дөрөҫөн әйткәндә, еңеүсене билдәләү еңелдән булманы сөнки тырыштар ямғыр йылында шундай матур сәскәләр үҫтереүселәр бик күп.
Йомғаҡ яһағанда беҙ нимә иҫәпкә алдыҡ? Матурлыҡ, ижад һәм, әлбиттә, эстетика.
Күп төрлө сәскә үҫтереүселәрҙең шундай ҙур хеҙмәте һөҙөмтәһенә ҡарап, күҙҙәр ҡамашты.

Шулай итеп: Гран – приға Ирназарова Раушания Батыр ҡыҙы.
1 урынға –Яхина Нәзилә Ғарифулла ҡыҙы,Исхаҡова Вәзирә Рәхимйән ҡыҙы
,2 урынға – Дәүләтшина Рәсимә Ишдәүләт ҡыҙы,Саньрова Зифа Фәтих ҡыҙы,
3 урынға-Нурмөхәмәтова Вәсилә Мөсәүир ҡыҙы,Ишемғолова Фәйрүзә Наил ҡыҙы лайыҡ булдылар.

Бүләкһеҙ бер кем дә ҡалманы ,ҡалған ҡатнашыусылар төрлө номинациялар буйынса билдәләнде.Был эште жюри ағзаларының яраштырылған эше арҡаһында башҡарып сыға алдыҡ. Барыһына ла ҙур рәхмәт.

Айырым рәүештә сараның бағыусыларына: Солтанов Рәмил Мотаһар улы, Исхаҡов Радик Рим улы, Әхмәтшин Илһам Нурфаяз улына рәхмәтебеҙҙе еткерәбеҙ .