“Оҫталыҡ дәресе”

Темәс ауыл модел китапханаһында “Ҡорама “төркөмө   ағзаһы Яхина Нәзилә апай “Оҫталыҡ дәресе” күрһәтте.

Темәс китапхапханаһы янында төҙөлгән төркөмдәге апайҙар ҡораманан, милли биҙәктәр менән һуғарылған ижад өлгөләренән зауыҡлы күргәҙмәләре менән төрлө сараларҙа ҡатнашалар . Үҙҙәренең эшләгән ҡул эштәренән ифрат ҡәнәғәт булып, бер-береһенең эшенә һоҡланыу белдереп, оҫталыҡ серҙәре менән уртаҡлашалар.

Ѳләсәй, әсәйҙәрҙән ҡалған ҡомартҡы ҡорама бѳгѳн бик ҡәҙерле һәм зауыҡлы. Күңел йылыһын һалып башҡарылған был әйберҙәр хәҙер модаға инеп китте. Күптәр уларҙы бик ҡәҙерләп һаҡлай, ҡыҙҙарына, килендәренә, ейәнсәрҙәренә уларҙың килеп сығыу тарихын һѳйләп, артабан бүләккә биреп ҡалдыра. Шулай итеп ҡорама ҡулдан-ҡулға күсеп, үҙе бер тарих, ғаилә ҡомартҡыһына әйләнә. Ҡорама ғаилә тарихының бик күп хәтирәләрен һаҡлай, ѳсмѳйѳш, дүрткел генә туҡыма киҫәктәренең һәр береһенең үҙенең тарихы бар шул.
Ҙур рәхмәт Нәзилә апай!